Redactura / redactur da musica
60%, Cuira
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran passa 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Tge èn las incumbensas?
- collavuraziun en la redacziun da musica
- producziun da noss products musicals en audio e video
- raquintar istorgias musicalas – audio, video e text
- programmar la musica per noss Radio RTR
- furmar, sviluppar e vender nossa purschida musicala, era al microfon
- tgirar la rait da contacts per vegnir a savair temas musicals
Tge spetgain nus?
- ina buna savida generala e bunas enconuschientschas musicalas
- ina solida rait da contacts en la scena da musica, surtut dal Grischun
- avair plaschair ed in flair per ils differents geners e stils da musica
- la prontadad da lavurar irregularmain (saira/fin d'emna) ed autonomamain
- pudair lavurar en situaziuns hecticas
- experientschas schurnalisticas èn d'avantatg
Tge offrin nus?
- la pussaivladad da viver la passiun per la musica en in conturn professiunal
- ina lavur fitg varianta ch'è fitg datiers a noss public
- in bun clima da lavur en in'interpresa moderna ed innovativa
- temps e models da lavur flexibels cun pussaivladads da scolaziun e furmaziun
- cumenzament per immediat u tenor cunvegna
«Noss job è dapli che lavur: Grazia a noss vast engaschi sin il sectur da musica avain nus il privilegi d'astgar documentar e purtar ora en il mund l'agir da la scena da musica rumantscha e grischuna. Quai è in'interessanta responsabladad ed ina bella sfida – che procura che na betg in singul di sumeglia a l'auter.»
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Flavio Tuor
Producent musica
+41 58 136 31 93
davart il process d'annunzia
Flurina Foppa
Manadra resursas umanas
+41 58 136 31 08
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
